👳🏾‍♂️🎋🌾💉🌡️🩺🧑🏼‍🏫 आज १ जुलै:राष्ट्रीय🧑🏼‍🏫डॉक्टर दिन व👳🏾‍♂️कृषिदिन – बडगुजर. इन

• 

• 

👳🏾‍♂️🎋🌾💉🌡️🩺🧑🏼‍🏫
आज १ जुलै:राष्ट्रीय🧑🏼‍🏫डॉक्टर दिन व👳🏾‍♂️कृषिदिन.
शेतकरी सर्वांचा पोशिंदा तर डॉक्टर आरोग्यदाता ते स्वतःची काळजी घेतांना,सेवा करण्यासांठी जन्मलेत अश्याप्रकारे सदासर्वादा कार्यरत असतात.शेतकरी शेतात राबतो तर डॉक्टर दवाखान्यात जीवाची बाजी लावतो.दरवर्षी १ जुलै हा दिवस राष्ट्रीय डॉक्टर दिन व कृषिदिन म्हणून साजरा केला जातो.पश्चिम बंगालचे माजी मुख्यमंत्री आणि प्रतिथयश डॉ.बिधान चंद्रा रॉय यांच्या स्मृती प्रित्यर्थ १ जुलै हा दिवस दरवर्षी भारतभर ‘राष्ट्रीय डॉक्टर दिन’ म्हणून साजरा केला जातो.
‘राष्ट्रीय डॉक्टर दिन’ हा भारताचे एक निष्णांत चिकित्सक आणि भारतरत्न पुरस्काराचे मानकरी डॉ. बिधानचंद्र रॉय यांच्या सन्मानार्थ आणि त्यांना श्रद्दांजली म्हणून त्यांच्या जयंती आणि पुण्यतिथी म्हणजे १ जुलै रोजी साजरा होतो. डॉ. बिधानचंद्र रॉय यांचा जन्म १ जुलै १८८२ रोजी झाला, तर मृत्यू १ जुलै १९६२ रोजी झाला. केंद्र सरकारने 1991 मध्ये हा दिवस साजरा करण्यास सुरवात केली.
१९९१ पासून मेडिकल कौन्सिलच्या प्रयत्नाने डॉक्टरांच्या कार्याचा गौरव करण्याच्या उद्देशाने हा दिवस डॉक्टर दिन म्हणून घोषित झाला.
‘डॉक्टर म्हणजे देवाचे दुसरे रूप’ आणि ‘गरज सरो वैद्य मरो’ या परस्परविरोधी भावना समाजाच्या मनामध्ये वर्षानुवर्ष रुळलेल्या आहेत. परिस्थितीनुसार दोन्ही वापरल्या जातात. अगदी खोलात जाऊन विचार केला असता मुळात दोन्ही घातकच. देवाचं रूप म्हटलं की अपेक्षांचा पार कडेलोट होतो व रुग्ण दवाखान्यात भरती केला की जीव वाचलाच पाहिजे ही अपेक्षा निर्माण होते.मात्र जन्म-मृत्यू कोणताही डॉक्टर ठरवू शकत नाही हे शाश्वत सत्य सोयीस्करपणे दुर्लक्षित केलं जातं.या काळात वैद्यकीय पेशा बदनाम करून खलनायक ठरवले गेल्यामुळे ‘गरज सरो वैद्य मरो’ आणि ‘गरज न सरल्यास वैद्याला मारो’ ही भावना वाढीस लागल्याचे दिसत असतानाच कोरोनाचा विळखा जगावर पडला आहे.
डॉक्टरांवर हल्ले वाढण्याची 👇कारणे:
👉भारतातील ७५ टक्के डॉक्टरांना कधी ना कधी हिंसेला सामोरे जावे लागते.
👉सर्वाधिक हिंसा, अतिदक्षता कक्ष,अपघात विभाग,आणि शस्त्रक्रियेनंतरचा वॉर्ड यामध्ये होतात.
👉रुग्णांच्या नातेवाईकांच्या डॉक्टरांकडून वाढलेल्या अपेक्षा यामागचे प्रमुख कारण आहे.
👉अपुऱ्या सार्वजनिक आरोग्य व्यवस्थेसाठी डॉक्टरांना जबाबदार ठरविण्याची प्रवृत्ती.
👉आरोग्य सुविधांचा वाढलेला खर्च.
👉रुग्णांच्या नातेवाइकांवर कारवाई होणार नाही हा गैरसमज.
👉डॉक्टर आणि नातेवाईक यांच्यातील संवादाचा अभाव.
👉प्रदीर्घ चालणाऱ्या न्यायिक प्रक्रियेवर अविश्वास, झुंडशाही ही प्रमुख कारणे सांगता येतील.
डॉक्टर-रुग्णातील नातं महत्वाचं: हल्ली विविध कारणामुळे डॉक्‍टर-रुग्ण संवाद, डॉक्‍टर-रुग्ण नात्यातील विश्‍वास हरवत चालला आहे. बऱ्याचदा आपल्या रुग्णासोबत अघटित घडल्यावर प्रचंड राग येतो अन्‌ तो डॉक्‍टरांवर काढला जातो. जे चुकीचे आहे.
आज प्रत्येकजण व्यस्त आहे. लवकर ट्रीटमेंट व्हावी असे सर्वांना वाटणे साहजिक आहे.अशात डॉक्‍टर-रुग्ण संवाद दुतर्फा झाला पाहिजे. त्या संवादाच्या प्रतिसादाची दोन्ही बाजूने वाट पाहिली पाहिजे.
पूर्वी नातेवाइकांकडे वेळ होता.विश्‍वास होता. आता साशंकता निर्माण झाली आहे. लक्षात घ्या,डॉक्‍टर देव नाही,तो फक्त रिलीफ देऊन मार्गदर्शन देत उपचार करतो. हे समाजाने समजून घेण्याची गरज आहे.
लक्षात घेण्याजोगी बाजू:
कोणत्याही प्रकारच्या रुग्णावर उपचार करताना सर्व खबरदारी घेऊनही डॉक्टरांची काहीही चूक नसताना अचानक गुंतागुंत होऊ शकते,अनपेक्षित असलेला त्रास उद्भवू शकतो आणि ते कोणाच्याच हातात नसते.पण असं काही अघटित झालं तर मात्र ‘बिचारा’ डॉक्टर, हॉस्पिटलची निर्जीव इमारत बळीचा बकरा ठरतात. तसं म्हटलं तर डॉक्टरची चूक होत नाही असंही नाही.
रुग्णावरील उपचारात हलगर्जीपणा होऊ शकतो, रुग्ण दगावू शकतो. अशा अकल्पित प्रसंगी योग्य उपचार मिळाले नाहीत असे वाटल्यास कोर्ट आहेत, मेडिकल काऊन्सिल आहे, कंझ्युमर प्रोटेक्शन अ‍ॅक्ट आहे. त्यामध्ये तक्रार करता येते आणि डॉक्टर चुकले असतील तर त्यांना शिक्षाही देता येते.नुकसानभरपाई मिळू शकते,पण शिक्षा देण्याचा बडगा पेशंट किंवा गावगुंड-टग्यांनी, पुढाऱ्यांनी हातात घेणे निश्चितच कायदेशीर नाही.
आपल्याला अहोरात्र सेवा देणाऱ्या,स्वतःच्या आरोग्याची चिंता न करता केवळ आपल्या आरोग्याची काळजी वाहणाऱ्या, देशातील तमाम डॉक्टरांना डॉक्टर दिनाच्या व भारतवासियांचा सच्चा पोशिंदा शेतकरी राजास कृषिदिनाच्या खूप खूप शुभेच्छा..!🙏🌹
प्रा.सी.डी.साळुंखे,धुळे
〰️〰️〰️〰️〰️〰️〰️

•