आज २५ जुलै:श्वेतलाना साव्हित्सकाया अंतराळात चालणारी प्रथम महिला अंतराळवीर ठरली – बडगुजर. इन

आज २५ जुलै:श्वेतलाना साव्हित्सकाया अंतराळात चालणारी प्रथम महिला अंतराळवीर ठरली
श्वेतलाना येवगेनिया सावित्स्काया,ही एक सोव्हिएत निवृत्त वैमानिक व अंतराळवीर आहे,जी १९८२ साली सोयुज टी-७ या यानामध्ये बसली,तसेच अंतराळात जाणारी दुसरी महिला आहे.१९८४ साली अंतराळात दोनदा जाणारी व स्पेसवॉक करणारी जगातील पहिली महिला बनली.तिने एक वैमानिक म्हणून एफएआयचे अनेक जागतिक विक्रम केले आहेत.
वैयक्तिक ↕️माहिती
जन्म; ८ऑगस्ट१९४८(वय ६८)
मॉस्को,सोवियत संघ
राष्ट्रीयत्व: रशियन
वडील: येवगेनिया सावित्स्काया
सुरुवातीचे जीवन: श्वेतलाना सावित्स्कायाचा जन्म ८ ऑगस्ट १९४८ रोजी मॉस्को,सोवियत संघ येथे झाला. श्वेतलानाचे वडील हे द्वितीय विश्वयुद्धाच्या काळात एक पायलट होते, नंतर त्यांनी सोव्हिएत हवाई संरक्षण दलाचे उप-प्रमुखपद पद भूषविले. श्वेतलाना ने वयाचा १६ व्या वर्षापासूनच पॅराशूट शिकण्यास सुरुवात केली,जेव्हा तिच्या वडिलांनी याबद्दल ऐकले तेव्हा त्यांनी या प्रवृत्तीस प्रोत्साहन दिले.
१९६६ मध्ये पदवीधर झाल्यानंतर तिने मॉस्को स्टेट एव्हिएशन इंस्टीट्यूट (एमएआय) मध्ये प्रवेश घेतला,जिथे तिने विमानाचे धडे ही घेतले.१९७१ मध्ये तिला फ्लाइट इन्स्ट्रक्टर म्हणून परवाना देण्यात आला.१९७६ मध्ये पदवीधर होताना ती Fedotov टेस्ट पायलट स्कूलमध्ये टेस्ट पायलट म्हणून प्रशिक्षित झाली.१९६९ ते १९७७ च्या दरम्यान तिने एरोबेटिक्स सोव्हिएत संघाची सदस्य म्हणून काम पाहिले.१९७२ च्या सॅलोन-डी-प्रोवंन्समधील जागतिक स्पर्धेत त्यांनी तिसरे स्थान पटकावले.
अंतराळ प्रशिक्षण: १९७९ मध्ये, महिला अंतराळवीराचा दुसऱ्या गटाचा निवड प्रक्रिया प्रक्रियेत श्वेतलाना हिने भाग घेतला.जून १९८० रोजी तिला औपचारिकपणे अंतराळवीर समुहात प्रवेश दिला गेला,व फेब्रुवारी १९८२ रोजी तिने अंतराळवीर होण्यासाठीची परीक्षा उत्तीर्ण केली.
पहिले उड्डाण(सोयुज टी-७)डिसेंबर १९८१ मध्ये श्वेतलानाने आपल्या पाहिल्या स्पेस उड्डानासाठी तयारी केली.या मिशनचा कमांडर लियोनिद पोपोव्ह हा होता, फ्लाइट इंजिनिअर अलेक्झांडर सेरेब्रोव्ह हा होता._१९८२ साली सोयुज टी-७ हे यान अंतराळात झेपावले,१९ वर्षानंतर श्वेतलाना अंतराळात जाणारी जगातील दुसरी महिला ठरली.२७ ऑगस्ट १९८२ साली ते पृथ्वीवर परत आले._
दुसरे उड्डाण(सोयुज-टी-१२):२५ जुलै १९८४ रोजी अंतराळात दोनदा जाणारी व स्पेसवॉक करणारी जगातील पहिली महिला बनली.२९ जुलै १९८४ रोजी ती पृथ्वीवर परत आली.
पुरस्कार: सोव्हिएत युनियन हिरो,दोनदा (१९८२,१९८४).ऑर्डर ऑफ लेनिन,दोनदा (१९८२,१९८४)
विशेष पदक:अवकाशात स्पेस वॉकसाठी 6 सुवर्णपदके:यूएसएसआर खेळ.
स्तोत्र:गुगल/इंटरनेट.
संकलक:प्रा.सी.डी.साळुंखे,धुळे.
🎆🎆🎆🎆🎆🎆🎆🎇🎇🎇🎇🎇🎇🎇