ll🪴ॐ विश्वाय🙏नमः🪴ll “ॐ नमो भगवते वासुदेवाय” कामिका एकादशी – बडगुजर. इन

• 

ll🪴ॐ विश्वाय🙏नमः🪴ll
“ॐ नमो भगवते वासुदेवाय”
कामिका एकादशी
आज गुरुवार- दि. १३ जुलै २०२३ ला आषाढ मासातील कृष्ण पक्षातील कामिका एकादशी आहे. ह्या एकादशीला पवित्रा एकादशी म्हणून देखील संबोधले जाते.
नेहमीप्रमाणे ह्या एकादशीचे महत्व आहेच.ह्या एकादशीचे व्रत केल्याने ब्रह्महत्येचं पाप नाहीसं होतं. ह्या एकादशीला श्री विष्णू अथवा कृष्ण भगवानला पिवळी फुलं,व शक्य असल्यास १०८ तुलसी दळ वाहावे.केळाच्या झाडाची पूजा करावी.शक्य असल्यास १०८ तुळशीची झाडे लावावीत किंवा दान करावीत,श्री विष्णू सहस्रनाम पठण करावे.
आपण सर्वजण श्री विष्णू सहस्रनामाची आवर्तने करू या.दिवसभर जेव्हा जमेल/ शक्य असेल तेव्हा जास्तीत जास्त आवर्तने करू.

एकादशी प्रारंभ: बुधवार दिनांक १२/०७/२३
संध्याकाळी ५.५८मि.

एकादशी समाप्ती:
गुरुवार दिनांक १३/०७/२३
संध्याकाळी ६.२४मि.

पारणे वेळ: शुक्रवार दि. १४/०७/२३
सकाळी ५.१६ते ८.००मि.
🔸कामिका एकादशी कथा. 🔸
↕️
आषाढ महिना असा सुद्धां एक पवित्र असल्याचेच समजण्यात येते. अशा वेळी एखादे व्रत किंवा सण असल्यास त्यास अधिक महत्व प्राप्त होते. आषाढ महिन्यातील एका व्रताचे नांव आहे कामिका एकादशी.

हा दिवस भगवान श्रीविष्णू ह्यांची आराधना व पूजेसाठी सर्वश्रेष्ठ असतो. कामिका एकादशीचे व्रत केल्याने सर्व प्रकारच्या त्रासातून मुक्ती मिळून इच्छित फलप्राप्ती होत असते.

कामिका एकादशी व्रत कथा.
कामिका एकादशीशी संबंधित एका प्राचीन कथेनुसार एका गावात एक रागीट व्यक्ती राहात असे. एके दिवशी त्याचे एका ब्राह्मणाशी भांडण झाले व क्रोधीत होऊन त्याने त्या ब्राह्मणाची हत्या केली. आपल्या हातून ब्रह्महत्या झाल्याने दुःखी होऊन त्याने त्या मृत ब्राह्मणाचे अंतिम संस्कार करण्याची ईच्छा व्यक्त केली, मात्र इतर ब्राह्मणांनी त्यास तसे करू दिले नाही.

ब्रह्म हत्येचा दोष लागल्याने ब्राह्मणांनी त्याच्या घरी भोजन घेण्यास सुद्धा नकार दिला. ह्यामुळे व्यथित होऊन त्याने एका ऋषींकडे ह्या पापातून मुक्त होण्याचा उपाय मागितला.

ह्यावर त्या ऋषींनी त्यास कामिका एकादशीचे व्रत करण्यास सांगितले.त्या नंतर ऋषींनी सांगितलेल्या विधीनुसार त्याने कामिका एकादशीचे व्रत केले.त्या नंतर तो रात्री जेव्हा झोपला होता तेव्हा त्याच्या स्वप्नात प्रत्यक्ष भगवंतानी त्याला दर्शन देऊन ब्रह्म हत्येच्या दोषातून मुक्त केले.हे व्रत केल्याने सर्व प्रकारच्या पापातून मुक्ती मिळते व अश्वमेघ यज्ञ केल्या समान फळ मिळते.
👆🪴🌹🙏◆■◆■◆🙏🌹🪴👆