कै.हि.मो.करोडपती माध्यमिक विद्यालयात विद्यार्थी गिरवताहेत ऑनलाईन धडे – श्री.आर्.आर्.बडगुजर, उपशिक्षक, चोपडा

चोपडा—(जि.जळगांव) येथील पूज्य साने गुरुजी विद्या प्रबोधिनी मंडळ, चोपडा संचलित कै.हि.मो.करोडपती माध्यमिक विद्यालय, चोपडा येथील विद्यालयातील विद्यार्थी कोरोना संसर्ग होऊ नये म्हणुन शासनाने जाहिर केलेल्या लॉकडाऊन काळात शाळा बंद असतांनाही विविध शैक्षणिक अॕपच्या माध्यमातून शासनाच्या स्टडी फ्राॕम होम उपक्रमाअंतर्गत अध्ययन करीत आहेत.

विद्यालयाच्या मुख्याध्यापिका श्रीमती एस.व्ही.पाटील मँडम यांचे संकल्पनेतुन विद्यार्थी-विद्यार्थिनींशी संपर्क व्हावा व शैक्षणिक आणि सामाजिक कल्पनेचे आदान-प्रदान होऊन शाळा अधिक लोकाभिमुख होणे संदर्भात विद्यार्थी व पालकांचे व्हाॕट्स्अॕप गृप तयार केले आहेत. त्यामुळे सध्या लॉकडाऊनच्या काळात विद्यार्थी घरी असल्याने प्रामुख्याने अवांतर वाचन,वाचन कौशल्य विकसित करणे, इयत्ता-५ वी ते इयत्ता-१० वी साठी सर्व विषयांचे गृहपाठ, प्रश्नपत्रिका, चाचणी, शैक्षणिक उपक्रम, कृतीपत्रिका प्रारुप, घटकनिहाय गुणविभागणी, काही महत्त्वाच्या घटकांचे व्हिडिओ-ऑडिओ किंवा पी.पी.टी, तसेच शिक्षकांनी विविध प्रशिक्षणातुन अभ्यासलेले प्राप्त शैक्षणिक साहित्य प्रत्येक दिवशी पाठवले जात आहे.त्यातुन विद्यार्थ्यांना आवड निर्माण होत असुन आपणांस सुटी आणि घरातुन बाहेर न पडताही उत्तम पद्धतीने मनोरंजक-आनंददायी पद्धतीने अभ्यासही होत असल्याबाबतचे समाधान पालकांकडून व्यक्त होत आहे. अर्थात इ.५ वी ते इ.९ वी चा अभ्यासक्रम १४ मार्च पर्यत पुर्ण झाला होता. मार्चच्या महिना अखेरीस संकलित मुल्यमापनाच्या म्हणजेच व्दितीय सत्र परीक्षा सुरुही होणार होत्या. परंतु ‘कोरोना’ प्रादुर्भाव होऊ नये म्हणून शाळांना शासन-निर्णयामुळे या आधीच सुट्या जाहीर झाल्या.

याकाळात शासनाकडुन प्राप्त सुचनांनुसार मुख्याध्यापकांच्या मार्गदर्शनाखाली पालक विद्यार्थी यांना प्रत्यक्ष फोन करुन व्हाॕट्स्अॕप वरून वा एस.एम.एस.करून ‘कोरोना’ संसर्ग होऊ नये यासाठी काळजी घेण्यासाठी आवश्यक त्या खबरदारीच्या सुचना देण्यात येत असतात. तसेच जळगांव जिल्हा शिक्षण-प्रशिक्षण संस्था अर्थात डाएट च्या “स्टडी फ्राॕम होम” या उपक्रमाअंतर्गत विद्यार्थ्यांना त्यांच्या क्षमता, कौशल्यांचा विचार करुनच त्यांना पेलवेल, शक्य होईल असाच अभ्यास वेगवेगळ्या शैक्षणिक अॕप, लिंक्स, पाठ्यपुस्तकातील क्यु-आर कोड स्कॕनिंगच्या मदतीने दिले जात असून विद्यार्थ्यांकडून ही उत्तम प्रतिसाद मिळत आहे.

या उपक्रमाचे पालकवृन्द तसेच संस्थेचे अध्यक्ष बापूसाहेब श्री. विठ्ठल ओंकार पाटील, उपाध्यक्ष श्री.सोमनाथ डोभा बडगुजर(साळुंखे), सचिव श्री. व्ही.एच. करोडपतीसर विद्यालयाचे शालेय समितीचे चेअरमन श्री. उमेशआप्पा करोडपती, कै.ओंकार गोविंदा पाटील माध्यमिक विद्यालय, कुंड्यापाणी-बिडगांवचे शालेय समिती चेअरमन प्रा. श्री. विनायक ओंकार पाटील व संस्थेचे संचालक मंडळ, तसेच क्रांतीज्योती सावित्रीबाई फुले मागासवर्गिय वसतीगृहाचे चेअरमन श्री. पंकज बडगुजर तथा गट शिक्षण आधिकारी श्रीमती भावनाताई भोसले मॕडम या सर्वांनी मुख्याध्यापक, शिक्षक-शिक्षकेतर कर्मचा-यांचे अभिनंदन केले आहे.