🫖☕आज २१ मे-जागतिक चहा दिवस☕🫖 – बडगुजर. इन

• 

🫖☕आज २१ मे-जागतिक चहा दिवस☕🫖
जगभरातील काही देशात १५ डिसेंबर हा दिवस जागतिक चहा ( World Tea Day ) दिवस म्हणून साजरा केला जातो.मात्र,चहाचा व्यापार आणि चहाच्या मळ्यात काम करणाऱ्या कामगारांच्या समस्यांकडे लक्ष वेधण्यासाठी २१ मे रोजी आंतरराष्ट्रीय चहा दिवस (International Tea Day) साजरा केला जातो.चहाचा आजच्या दिवसाचा उद्देश चहाच्या व्यापाराला प्रोत्साहन देणे आणि त्याच्या नैतिक आणि टिकाऊ उत्पादनावर लक्ष केंद्रीत करणे हा आहे.
चहाचे स्वरूप बदलतं असून दैनंदिन जीवनात चहाचं महत्व वाढतं चालले आहे: आता आरोग्याच्या दृष्टीने नागरिकांचा ग्रीन टी,ब्लॅक टीकडे कल अधिक वाढत चालला आहे.चहाचं सेवन प्रमाणात केलं तर ते अमृताचे कार्य करते असं तज्ज्ञांचे मत आहे.
भारतात कधी आला -ज्ञआसामच्या पर्वत भागात 1824 सालच्या दरम्यान चहाचे पानं सापडली. त्यानंतर इंग्रजांनी १८३६ सालापासून चहाचे उत्पादन सुरु केलं.सुरुवातीला यासाठी चीनमधून चहाचे बी मागवले जायचे.त्यानंतर आसामच्या भागातील चहाच्या बियांचा वापर सुरु झाला.भारतातील चहाचे उत्पादन हे ब्रिटनमधील चहाची मागणी पूर्ण करण्यासाठी केलं जायचं.आज चहा भारतातील सर्वात स्वस्त आणि लोकप्रिय पेय आहे. आसामचा चहा सर्व जगभर प्रसिध्द आहे. भारतील अनेक नागरीकांची सकाळ चहा पिल्यानंतर होते. भारत, चीन, केनिया आणि श्रीलंका हे जगातील प्रमुख चहा उत्पादक देश आहेत.याव्यतिरिक्त,बांग्लादेश,यूगांडा,इंडोनेशिया, टांझानिया आणि मलेशिया या देशातही चहाचे उत्पादन घेतले जाते.चीन हा जगातील सर्वात मोठा चहाचा निर्यातक आहे.भारतातही चहाचं मोठ्या प्रमाणात उत्पादन होतं. पण स्थानिक स्तरावर त्याचं सेवनही मोठ्या प्रमाणात केलं जातं.
भारतातील चहाच्या एकूण उत्पादनापैकी ८० टक्के उत्पादन हे भारतातच सेवन केलं जात यं!
चहाचे फायदे: चहामध्ये एंटीजन असतात,जे एंटी-बॅक्टेरियल क्षमता प्रदान करतात.चहामध्ये असलेला फ्लोराईड हाडांना मजबूत करतो व दातांना कीड लागण्यापासून थांबवतो. चहामध्ये कैफिन आणि टैनिन असतो,जो शरीराला स्फुर्ती प्रदान करतो. चहामध्ये असलेला अमिनो-एसिड डोक्याला शांत व चपळ ठेवण्यास मदत करतो.चहा हे म्हातारपण वाढण्याचा वेग कमी करतो,तसेच शरीर वाढीचे नुकसाना पासून वाचवतो.चहा शरीरातील एंटी-ऑक्सिडेन्स इम्युन सिस्टिम व्यवस्थित ठेवते.
🫖☕🫖☕🫖☕🫖☕🫖☕🫖☕
चहाचा उगम पूर्व आशियातून झाला,परंतु,आज विविध प्रकारचे चहा जगभरातील लोकांचे आवडते पेय बनले आहे. गेल्या काही वर्षांत पाश्चिमात्य देशांतही चहाबाबत बरेच संशोधन झाले आहे. चहाचा आरोग्यावर खूप सकारात्मक परिणाम होतो हे अनेक अभ्यासात दिसून आले आहे. काही अभ्यासातून असे दिसून आले आहे की चहामुळे कर्करोगाचा धोकाही कमी होतो. याशिवाय इतर अनेक आजारांवरही चहा फायदेशीर ठरतो.मानसिक सतर्कता वाढवण्यासाठीही चहा उपयुक्त आहे. काही आहारतज्ज्ञ चहा पिणे हा कॉफीपेक्षा चांगला पर्याय मानतात कारण चहामध्ये कॅफिन कमी असते.
☕चहाचे👇प्रकार☕
☕ग्रीन टी
☕काळा चहा
☕पांढरा चहा
☕ओलॉन्ग चहा
☕गवती चहा
☕कॅमोमाइल चहा
☕हिबिस्कस चहा
☕लाल चहा किंवा रुईबॉस
चहाचे दुष्परिणाम:
☕लोहाचे शोषण कमी होते…
☕चहामुळे चिंता आणि तणाव वाढू शकतो…
☕चहामुळे झोप खराब होऊ शकते…
☕चहामुळे गरोदरपणात गुंतागुंत होऊ शकते….!
अनेक पेयांना चहाचे नाव दिले गेले आहे.त्यापैकी अनेकांमध्ये चहाची पाने नाहीत. परंतु काही लोक फक्त हिरवा,काळा,पांढरा, ओलोंग आणि चहालाच खरा चहा मानतात.हे सर्व चहा कॅमेलिया सायनेन्सिस प्लांट (चहा वनस्पती)पासून बनवले जातात.हे मूळतः भारत आणि चीनमध्ये घेतले जाते.
या सर्व चहामध्ये फ्लेव्होनॉइड्स नावाचे विशेष अँटिऑक्सिडंट असतात. फ्लेव्होनॉइड्स हृदयासाठी चांगले असतात आणि कर्करोगाचा धोका देखील कमी करतात.कॅमेलिया सायनेन्सिस वनस्पतीच्या चहामध्ये कॅफीन आणि थेनाइन देखील असते. जे मेंदूवर परिणाम करतात आणि मानसिक सतर्कता वाढवतात.त्याच वेळी, अधिक प्रक्रिया केलेल्या चहाच्या पानांमध्ये फ्लेव्होनॉइड्सचे प्रमाण कमी होते.ओलोंग आणि ब्लॅक टी ऑक्सिडाइज्ड असतात. म्हणून,त्यात ग्रीन टीपेक्षा कमी फ्लेव्होनॉइड्स असतात. परंतु अधिक अँटीऑक्सिडायझिंग शक्ती असते.चहाचे विविध प्रकार आणि त्यांचे फायदे जाणून घेऊया.

ग्रीन टी: वाफवलेल्या चहाच्या पानांपासून ग्रीन टी तयार केला जातो. या चहामध्ये Epigallocatechin Gallate (EGCG) नावाचे संयुग जास्त प्रमाणात असते.EGCG आपल्या आरोग्यासाठी खूप फायदेशीर असल्याचे आढळून आले आहे.ग्रीन टीमध्ये असलेले हे कंपाऊंड जळजळ टाळण्यास,हृदय आणि मेंदूच्या आजारांचा धोका कमी करण्यास मदत करते. वजन कमी करण्यासाठीही याचा फायदा होतो.ग्रीन टीमध्ये असलेले अँटीऑक्सिडंट मूत्राशय,स्तन,फुफ्फुस,पोट, स्वादुपिंडाच्या कर्करोगाचा धोका कमी करू शकतात. ग्रीन टी अल्झायमर आणि पार्किन्सन रोगांचा धोका कमी करते आणि कोलेस्ट्रॉलची पातळी नियंत्रित करते.

काळा चहा: चहाच्या आंबलेल्या पानांपासून काळा चहा तयार केला जातो. हे चवीच्या चहामध्ये देखील वापरले जाते आणि त्यात कॅफिनचे प्रमाण सर्वाधिक असते. काही अभ्यासातून असे दिसून आले आहे की काळ्या चहामुळे फुफ्फुसांना सिगारेट ओढल्याने होणारे नुकसान कमी करण्यात मदत होते. काळ्या चहामुळे पक्षाघाताचा धोकाही कमी होतो. कमी कॅफीन, कमी कॅलरी आणि कृत्रिम गोडवा नसलेले पेय म्हणून ब्लॅक टी हा एक चांगला पर्याय मानला जातो.काळ्या चहामध्ये चांगले कोलेस्ट्रॉल वाढवण्याचे,आतड्याचे आरोग्य सुधारण्याचे आणि रक्तदाब कमी करण्याचे गुणधर्म आहेत.

पांढरा चहा: पांढरा चहा हा सर्वात कमी प्रक्रिया केलेला चहा आहे.इतर चहाच्या तुलनेत पांढऱ्या चहामध्ये कर्करोगविरोधी गुणधर्म असल्याचे एका अभ्यासात समोर आले आहे. हिरवा चहा सामान्यतः वजन कमी करण्यासाठी वापरला जातो,परंतु पांढरा चहा चरबी कमी करण्यासाठी तितकाच प्रभावी आहे. हिरव्या आणि पांढर्‍या दोन्ही चहामध्ये अंदाजे समान प्रमाणात कॅफिन आणि EGCG कंपाऊंड असते. दुसर्‍या अभ्यासानुसार, पांढरा चहा शरीरातील चयापचय वाढवण्यास देखील मदत करतो आणि त्वचेचे वृद्धत्व कमी करण्याचे गुणधर्म देखील आहेत.

ओलॉन्ग चहा: ओलॉन्ग चहाची पाने आणि देठापासून बनवला जातो.जगात वापरल्या जाणार्‍या एकूण चहापैकी केवळ २% चहा ओलॉन्ग चहाचा आहे. असे असूनही,ओलॉंग चहाचे अनेक आरोग्य फायदे आहेत. ओलॉन्ग चहा योग्य प्रमाणात सेवन केल्यास चयापचय सुधारण्यास आणि तणाव कमी करण्यास मदत होते. Oolong चहा वाईट कोलेस्टेरॉलची पातळी देखील कमी करू शकते. Oolong चहा वजन कमी करण्यास, कर्करोगाचा धोका कमी करण्यास आणि मेंदूचे कार्य सुधारण्यास मदत करते. ओलॉन्ग चहाची एक गुणवत्ता म्हणजे वुई चहा जी वजन कमी करण्यासाठी पूरक म्हणून विकली जाते.

गवती चहा: हर्बल चहा हे औषधी वनस्पती,फळे,बिया आणि मुळे गरम पाण्यात घालून तयार केलेले पेय आहे.हर्बल चहामध्ये हिरव्या,पांढऱ्या,काळा आणि ओलॉन्ग चहापेक्षा कमी अँटिऑक्सिडेंट असतात.
आले,चमेली,मिंट,हिबिस्कस यांचा हर्बल चहामध्ये समावेश होतो.काही अभ्यासांनी असे सूचित केले आहे की हर्बल चहा वजन कमी करण्यास,सर्दी टाळण्यास आणि चांगली झोप घेण्यास मदत करू शकते.
कॅमोमाइल चहा: या असलेले अँटिऑक्सिडंट्स मधुमेह, दृष्टी कमी होणे,मूत्रपिंडाचे नुकसान आणि कर्करोगाच्या पेशींच्या वाढीपासून संरक्षण करू शकतात.

हिबिस्कस चहा: एका अभ्यासात असे दिसून आले आहे की दररोज तीन कप हिबिस्कस चहा प्यायल्याने काही लोकांना रक्तदाब कमी करण्यास मदत होते.हिबिस्कस चहा यकृताचे आरोग्य सुधारण्यासाठी आणि वजन कमी करण्यासाठी देखील उपयुक्त ठरू शकते.

४.लाल चहा किंवा रुईबॉस: लाल चहा दक्षिण आफ्रिकेतील रुईबोस या आंबलेल्या औषधी वनस्पतीपासून बनविला जातो.फ्लेव्होनॉइड्स हे लाल चहामधील संयुगे आहेत. ज्यात कर्करोगविरोधी गुणधर्म असल्याचे दर्शविले गेले आहे.

☕चहा👇की👇कॉफी☕?

चहा म्हणजे उत्साह..
कॉफी म्हणजे स्टाईल..!
चहा म्हणजे मैत्री..
कॉफी म्हणजे प्रेम..!!
चहा एकदम झटपट..
कॉफी अक्षरशः निवांत..!
चहा म्हणजे झकास..
कॉफी म्हणजे वाह मस्त..!!
चहा म्हणजे कथा संग्रह..
कॉफी म्हणजे कादंबरी..!
चहा नेहमी मंद दुपारनंतर..
कॉफी एक धुंद संध्याकाळी.!!
चहा चिंब भिजल्यावर..
कॉफी ढग दाटुन आल्यावर.!
चहा = discussion..
कॉफी = conversation..!!
चहा = living room..
कॉफी = waiting room..!
चहा म्हणजे उस्फूर्तता..
कॉफी म्हणजे उत्कटता..!!
चहा = धडपडीचे दिवस..
कॉफी = धडधडीचे दिवस..!
चहा वर्तमानात दमल्यावर..
कॉफी भूतकाळात रमल्यावर..!!
चहा पिताना भविष्य रंगवायचे..
कॉफी पिताना स्वप्न रंगवायची.

जागतिक चहा दिवसाच्या सर्वांना शुभेच्छा☕चहा प्यायचा जरूर प्या पण मर्यादित प्या☕!
🫖🫖☕☕☕🫖🫖☕☕☕🫖🫖☕☕☕

•