वसई येथील श्री. दिपक बडगुजर हे लायन्स क्लब ऑफ इंटरनेशल तर्फे बेस्ट प्रेसिडेंट पुरस्काराने सन्मानित – श्री. अविनाश बडगुजर, मुंबई

यावल, साकळी ह.मु.वसई येथील : सामाजिक कार्यकर्ते श्री.दिपक मधुकर बडगुजर हे बडगुजर समाज उत्कर्ष मंडळ मा.उपाध्यक्ष,समस्त बडगुजर समाज मंडळ वसई, मा.अध्यक्ष, अ.भा.ब.स.म.समिती मा. उपाध्यक्ष, संचालक, तसेच श्री.दिपक बडगुजर यांनी ०१ जुलै २०१९ रोजी लायन्स क्लब ऑफ वसई युनिकचे अध्यक्ष पद स्विकारले.

दिपक बडगुजर यांचा बडगुजर समाजाला संघटित करण्यात आणि डिजीटल करण्यात फार मोठा सहभाग आहे. ते बडगुजर. इन च्या प्रमुख आणि फाऊंडर टिम मधील सदस्य आहेत. त्याच्या मार्गदर्शन व सहकार्याने बडगुजर. इन ला नविन दिशा व यश मिळत आहे. अल्पावधीतच या वेबसाईट ला लोकांची पहिली पसंती मिळविण्यात व समाज बांधवांना फक्त एका क्लिक वर अद्ययावत माहिती पोहचविण्यात श्री. दिपक बडगुजर यांची मोलाची भुमिका आहे.

कोरोना महामारीमुळे बाहेर जाणे ही मुश्किल होत होते, अशा वेळेस वसईतील सरकारी हॉस्पिटलमध्ये लायन्स क्लब तर्फे साधारण दोन महिन्यामध्ये २० लाख रुपयांची औषधे देण्यात आली. सर्व शाळा
बंद होत्या अशा वेळेस ऑनलाईन शिकविणे चालू होते त्यावेळेस गरजू विद्यार्थांना त्यांनी चाळीस हजार रुपयांचे ०८ सॅमसंगचे नविन मोबाईल दिले त्यामुळे विद्यार्थांना ऑनलाईन अभ्यास करणे सोपे झाले.
काही दिवसांपूर्वी नुकताच वसईला वादळाचा फटका बसला त्यामध्ये बर्‍याच लोकांचे मोठ्या प्रमाणावर नुकसान झाले अशा वेळेस लायन्स क्लबने इतर क्लबचे सहाय्य घेवून एका विधवा बाईला घर बांधण्यासाठी रु.८५,०००/- पंच्याऐंशी हजाराचे सहाय्य केले.

दिपक बडगुजर यांनी त्यांच्या अध्यक्षपदाच्या कारकिर्दीत साधारण
२४ ते २५ (चोवीस ते पंचविस) लाख रुपयांची कामे करुन एक वेगळाच कामाचा ठसा उमटविला.लायन्स क्लब ऑफ इंटरनेशनल संस्था अशा विविध सामाजिक संस्थासी निगडित असताना सन २०१९-२०२०चा नुकताच श्री.दिपक बडगुजर यांचा लायन्स क्लब ऑफ इंटरनेशनल तर्फे “प्रेसिडंट अवॉर्ड”शाल श्रीफळ, सन्मान चिन्ह देऊन सन्मानित करण्यात आले असून मुंबई उपनगरी परिसरातील समाज बांधवांनी व सामाजिक मंडळांनी अर्थात समस्त बडगुजर समाज मंडळ वसई, समस्त बडगुजर समाज मंडळ डोंबिवली शहर, बडगुजर समाज उत्कर्ष मंडळ, वेब पोर्टल, बडगुजर.ईन यांच्या कडून पुढील सामाजिक वाटचालीसाठी अनेक अनेक हार्दिक शुभेच्छा! व अभिनंदन करण्यात आले.