नंदुरबार येथे ३ मार्च रोजी बडगुजर समाजाचा स्नेह मेळावा

नंदुरबार येथे ३ मार्च रोजी
बडगुजर समाजाचा स्नेह मेळावा
नंदुरबार-येथील बडगुजर समाज उन्नती मंडळातर्फे दि.३ मार्च रविवार रोजी ‘स्नेह मेळाव्या’चे आयोजन करण्यात आले आहे. यात ‘हळदी कुंकू’ व ‘वार्षिक मिटींग’ तसेच सर्वांसाठी विविध प्रकारचे ‘खेळ’ त्यानंतर स्नेहभोजनाचा कार्यक्रम होणार आहे.
येथील नगरपालिका शाळा क्र. १ येथे दि.३ मार्च २०१९ रविवार रोजी होणार्‍या या बडगुजर समाजाच्या स्नेह मेळाव्यात सकाळी ९.३० वाजता हळदी-कुंकू, १० वाजता विविध खेळ, ११ वाजता समाजाची वार्षिक मिटींग तसेच ११.३० वाजता स्नेह भोजन होणार आहे. यावेळी खेळात महिला, मुले-मुली तसेच पती-पत्नी आदीं कार्यक्रमात सहभाग घेवू शकतील. तरी बडगुजर समाज बंधू-भगिनींनी या कार्यक्रमात मोठ्या संख्येने उपस्थित रहावे, असे आवाहन बडगुजर समाज उन्नती मंडळाचे अध्यक्ष विजय संतोष बडगुजर, सचिव अश्‍विन भालचंद्र बडगुजर तसेच मंडळाच्या पदाधिकार्‍यांतर्फे करण्यात आले आहे.