अमळनेर रेल्वे पोलिस, रेल्वे प्रवाशी, व डॉ., किरण बडगुजर याचे माणुसकी दर्शन – चि. राहुल बडगुजर सर, धरणगांव

सौ. क्रांतीदेवी सुनील महतो रा.विशपुरसों जि. समस्तीपूर बिहार राज्य येथील रहिवासी असून त्या आपल्या तीन मुलींसोबत सुरतवरून बिहारकडे जायला निघाली होती. महिला ह्या आठ महिन्यांची गर्भवती होती. धावत्या रेल्वे प्रवासी महिलेला प्रसूती वेदना सुरु होवून रेल्वेच्या डब्यातच महिलेची प्रसूती झाली. यावेळी अमळनेर रेल्वे पोलिसांसह महिला प्रवाशांनी माणुसकीचे दर्शन घडवत सुपरफास्ट रेल्वे ३१ मिनिटे अमळनेर येथे थांबवून तिच्यावर वैद्यकीय उपचार करण्यात आले. दरम्यान माहिती मिळताच आरपीएफचे कर्तव्यदक्ष अधिकारी व कर्मचाऱ्यांनी तत्परतेने धाव घेत रेल्वे डॉक्टर व रुग्णवाहिकेला माहिती दिली. यावेळी त्या रेल्वे डब्यात असलेल्या महिलांना आरपीएफच्या अधिकाऱ्यांनी प्रसूतीसाठी आवाहन केले. त्यानुसार उपस्थित महिलांनी सदर महिला प्रवाशाची प्रसूती केली.यावेळी रेल्वेच्या डॉक्टरांच्या उपस्थितीत महिला आणि बाळावर प्राथमिक उपचार करून रुग्णवाहिकेने उपचारासाठी सिव्हिल हॉस्पिटल अमळनेर येथे पुढील उपचारासाठी नेण्यात आले. नवजात बाळ आणि आईची प्रकृती सामान्य आहे. याबाबत सदर महिलेच्या पतीशी संपर्क साधून माहिती देण्यात आली आहे. एएसआय जयपाल सिंग, सीटी दिनेश मांडळकर, डॉ. किरण बडगुजर यांच्या टीमच्या तत्परतेने महिला आणि तिचे बाळ सुखरूप आहे. त्यांच्या या स्तुत्य कार्याबद्दल सर्वत्र कौतुक होत आहे